Antes de comezar, gustaríame felicitarte dende a Alcaldía polo feito de que o atoparte neste espazo amosas curiosidade, interese, preocupación e con este paso pouco a pouco vas descubrir un mundo que é fundamental para a nosa sociedade e para a democracia, que é o das Asociacións.

Eu, Manuel Regos Boquete, non só como Alcalde senón como un veciño máis do noso Concello, considero que o asociacionismo é unha experiencia indispensable para formarse un como persoa nun momento no que predomina o individualismo e os intereses particulares sobre os da Comunidade. A través de esta vivencia comenzamos a vencellar termos tan importantes como cooperación, traballo en equipo, tolerancia, respecto, loita por uns ideais, etc. Ademais de ser un eixe primordial para medrar como ser humano e un medio e instrumento clave para fomentar e potenciar a participación cidadá. Cada un de nós como membros e partes activas da nosa Comunidade temos como dereito e como obriga o compromiso por buscar e aportar solucións ante as necesidades que máis nos preocupan, e tamén debemos analizar en profundidade os aspectos que inflúen e condicionan o xurdir destas situacións .

Dende a Corporación local, e concretamente o voso Alcalde, vos invita a exercitar este dereito co fin de que reivindiquedes e defendades, a través do foro, os vosos ideais, as vosas inquedanzas e as vosas iniciativas.

CONTO, ESPERO E DESEXO A VOSA PARTICIPACIÓN E O VOSO COMPROMISO POR MELLORAR A NOSA COMUNIDADE.

Manuel Regos Boquete